Hafta yakuni: 2022-yil uchun 15 ta biznes — g’oya, bankdagi bo’sh ish o’rinlari, kriptovalyuta bozori uchun joriy yilgi prognoz va xorijiy valyutadagi eng daromadli omonatlar haqida

Bankdagi bo’sh ish o’rinlari: Tenge Bank, Davr bank, Universalbank mutaxassislarni qidirmoqda

Spot O’zbekistonda faoliyat yuritayotgan banklardagi bo’sh ish o’rinlarini o’rganib chiqdi. Umumiy hisobda, lavozimlar bo’yicha nomzodlardan 3 yildan 6 yilgacha, 1 yildan 3 yilgacha ish tajribasi bo’lishi talab etilmoqda. Ayrim ish o’rinlari uchun tajriba talab etilmaydi. O’rtacha oylik ish haqi 3,5 mln so’mdan boshlanadi.

2022-yilda O’zbekistonda ochish uchun 15 ta biznes — g’oya. Boshlang’ich investitsiya va o’ziga xosliklar haqida

Kulolchilik ustaxonasidan boshlab, taqinchoqlar do’koni, foodtruck va tatu studio haqida.

Yerdan Marsga qadar sayohat: 2021-yilda kriptovalyuta bozorida nimalar yuz berdi va joriy yilda qanday tendensiyalar bo’lishi kutilmoqda

Investitsiyalar hajmi va kotirovkalar soni oshdi, bozor kapitalizatsiyasi esa $3 trlndan ortdi. “Mem” tokenlar tufayli kichik treyderlar va shu bilan bir qatorda firibgarlar soni ham oshdi. Noqonuniy platforma va sxemalarda investorlar $7,7 mlrd yo’qotdilar.

Oʻzbekiston banklaridagi eng daromadli xorijiy valyuta omonatlari holati.Yanvar 2022

Hozirda O’zbekistonda mavjud 33 ta bankdan 23 tasi xorijiy valyutada omonat ochish imkonini beradi. Masofaviy tarzda 13 ta bankda omonat ochish mumkin. O’rtacha yillik stavka 4−5% ni tashkil etmoqda. Eng yuqori foizli (6%) tariflarni Ravnaq-bank, “Trastbank” va Hi-Tech Bank bir yildan uch yilgacha muddat bilan taqdim etmoqda.

Rossiyaning qoʻshnilari, Ukrainadan Oʻzbekistongacha blokcheyn borasida ilgʻor qonunlar qabul qilmoqda, ular texno-iqtisodiy taraqqiyotdan chetda qolishni istamaydi — Pavel Durov

Pavel Durov Rossiyada kriptovalyutalarning taqiqlanishi borasida oʻz reaksiyasini bildirdi. Uning postida Oʻzbekiston haqidagi fikrlar ham bor.

Boshqa yangiliklar:

1. Oʻzbekistonning 4 ta viloyatida quyosh fotoelektr stansiyalari quriladi. 2023-yil yakuniga qadar umumiy quvvati 1 096,6 MVt boʻlgan 4ta quyosh fotoelektr stansiyalari ishga tushiriladi.
2. Oʻzbekiston va Tojikiston iqtisodiyoti mintaqada eng yaxshi istiqbolga ega — Jahon banki. Jahon banki 2022 va 2023-yillarda milliy iqtisodiyotning oʻsishi mos ravishda 5,6 va 5,8% ni tashkil etishini bashorat qilmoqda.
3. Prezident Toshkentning jamoat transporti konsepsiyasini qayta koʻrib chiqish boʻyicha topshiriq berdi. Yil oxirigacha 410ta avtobus va elektrobus xarid qilinib, avtobus parkining 35 foizi yangilanadi.
4. andex Go Samarqandda ish boshladi: narxlar, sozlama va ilova haqida qisqacha. Yoʻl haqi 2500 soʻmdan boshlanadi.
5. Markaziy bank 200 ming soʻmlik kupyurani muomalaga chiqarishni rejalashtirilmoqda. Markaziy bank rahbari yangi banknotlarning muomalaga chiqarilishi inflyatsiyaning oshishiga olib kelmasligini eslatdi.
6. Joriy yilda Xalq bankining hududlardagi 40qa yaqin filiallari yopiladi. Bu haqda Markaziy bank raisi Mamarizo Nurmurotov ma’lum qilgan.
7. Prezident 23 ta kompaniyani IPO oʻtkazish boʻyicha topshiriq berdi. Shuningdek, neft-gaz, energetika, avtomobilsozlik va boshqa sohalardagi 266 ta korxonani auksion savdosiga qoʻyish topshirildi.
8. TikTok pulli obuna xizmatini sinovdan oʻtkazishni boshladi. Bir kun avval bunday funksiyani Instagram sinovdan oʻtkazgan edi.
9. “Kapitalbank” va “Davrbank” banklar indeksida birinchi oʻrinni egalladi. Kichik banklar orasida Anorbank 3-o‘rinni egalladi. Katta o’yinchilar segmentida ham siljishlar mavjud.
10. Qattiq nazorat haqidagi mish-mishlardan keyin bitkoin 38 400 dollargacha tushib ketdi. Xususan, Rossiya Markaziy banki kriptovalyutalarning aylanishini taqiqlash gʻoyasi bilan chiqdi (Xitoydagi kabi).