Statistika agentligi ma’lumotlariga koʻra, yanvar-mart oylarida O‘zbekistonga 10 489 dona avtomobil olib kirilgan.
2022-yilning birinchi choragiga nisbatan yetkazib berish 1981 ta avtomobilga yoki 23,3%ga oshgan.
Shu vaqt ichida import qilingan avtomobillarning umumiy qiymati $283,7 mln.ni tashkil etib, o‘tgan yilga nisbatan qariyb 1,5 barobar ko‘pdir.
Birgina mart oyida mahalliy avtomobil bozoriga $149,5 mln.lik 5 ming 463 ta xorijiy avtomobil olib kelingan, bu joriy yilning birinchi ikki oyidagi ko‘rsatkichlardan ko‘pdir.
Xitoy O‘zbekistonga avtomobil yetkazib beruvchi asosiy davlat sifatida yetkachi hisoblanadi. Yil boshidan buyon u yerdan 6007 ta, shundan 3467 tasi mart oyida olib kelingan.
Undan keyingi oʻrinda 3643 ta avtomobil bilan Janubiy Koreya, jumladan, oxirgi oyda 1562 ta mashina olib kelingan.
AQShdan yetkazib berishlar ham keskin oshdi va birinchi chorakdagi 460 ta mashinadan mart oyida 243 taga yetdi.
Yaponiya bir vaqtning o‘zida O‘zbekistonga 23 dona (yil boshidan buyon 81 ta) avtomobil eksport qilgan bo‘lsa, xuddi shunday raqam Germaniyadan (uch oyda 59 ta) eksport qilingan.
Avvalroq “Spot” yil boshidan Oʻzbekistonga 1,6 mingdan ortiq elektromobil import qilingani haqida yozgandi.
