1-noyabrdan yo‘lovchi tashish temir yo‘l chipta narxlariga yangi tarif belgilandi. Bu haqda “O‘ztemiryo‘lyo‘lovchi” matbuot xizmati xabar berdi.
Unga ko‘ra, mahalliy yo‘nalishlardagi yo‘lovchi poyezdlari chipta narxlarining tarif qismi 44%ga, yuqori tezlikda harakatlanuvchi “Afrosiyob” elektropoyezdlari chiptalari esa 60%dan yuqoriroqqa oshirildi.
“Afrosiyob” elektropoyezdlari chiptalariga belgilangan yangi narxlar quyidagicha:
Toshkent-Buxoro-Toshkent:
- VIP — 530 ming so‘m;
- Biznes — 385 ming so‘m;
- Ekonom — 280 ming so‘m.
Toshkent-Qarshi-Toshkent:
- VIP — 455 ming so‘m;
- Biznes — 325 ming so‘m;
- Ekonom — 235 ming so‘m.
Toshkent-Samarqand-Toshkent:
- VIP — 330 ming so‘m;
- Biznes — 230 ming so‘m;
- Ekonom — 170 ming so‘m.
Joriy yilning 20-oktabridan mahalliy yo‘nalishlardagi yo‘lovchi poyezdlar chipta narxlari 50%ga, “Afrosiyob” elektropoyezdlari chiptalari esa 100%ga oshirilishi belgilangandi.
Biroq, bu jamoatchilik etirozlariga sabab bo‘lib, turli muhokamalarni keltirib chiqardi. Bu bo‘yicha, “O‘zbekiston temir yo‘llari” munosabat bildirib, amaldagi narxlar xizmat ko‘rsatish sinfiga mos kelmasligini ta’kidlagandi.
