Qozog‘istonda oldin “McDonald's” brendi ostida faoliyat yuritgan restoranlar nomi o‘zgartirilgani haqida xabar berilgandi.
Joriy yilning iyul oyi o‘rtalarida Olmaotada sobiq “McDonald's” restoranlari yangi peshtaxtalar ostida qayta ochildi. Biroq, bu oldin ma’lum qilingan “Vkusno-i Tochka” nomi emas, balki umumiy ovqatlanish shoxobchalari qozoqcha ismlar bilan atalgan.
Masalan, “Shevchenko” ko‘chasi, 85A-uyda joylashgan restoran hozir qozoq tilida “Men Madiyorman” deb ataladi. Qolgan nuqtalarga boshqa ismlar berilgan: Daniyar, Julia, Aray, Aleksandr, Aygerim, Nazerka, Asel va Malika.
Sobiq “McDonald's” tez ovqatlanish restoranlari tarmog‘ining yangi nomini “I'M” deb nomladi. Bu haqda 23-noyabr kuni “Food Solutions KZ” kompaniyasi ma’lum qildi, deya xabar bermoqda “Kapital.kz” nashri.
“Biz uzoq vaqtdan beri restoranlarimizning yangi brendini ishga tushirishga tayyorgarlik ko‘rdik va nihoyat uni mehmonlarimizga taqdim etishdan mamnunmiz. Men Qozog‘istondagi barcha tarmoq restoranlarining yangi I’M brendi ostida davom etishini e’lon qilishdan mamnunman”, — dedi “Food Solutions KZ” rahbari Asset Mashanov.
Uning tushuntirishicha, yangi brend “Men muhimman” falsafasiga asoslanadi: har bir mehmon, har bir xodim, har bir sherik, kompaniya yaratadigan hamma narsa.
Qozog‘istondagi “McDonald's” restoranlari 2022-yilning 18-noyabrida yopildi. “Food Solutions KZ” buni mahalliy yetkazib berishdagi cheklovlar tufayli to‘xtatilgani bilan izohladi.
5-yanvar kuni “McDonald's” Qozog‘iston bozoridan mahsulotlar, xususan, go‘sht yetkazib berishdagi muammolar tufayli chiqib ketishini e’lon qildi. O‘sha paytda “Vkusno-i Tochka” vakillari Amerika kompaniyasi bilan kelishuvlar tufayli Qozog‘istonda ishlash rejalari yo‘qligini e’lon qilishdi.
Qozog‘iston ommaviy axborot vositalari “Vkusno-i Tochka” brendini ro‘yxatdan o‘tkazish to‘g‘risidagi ariza haqida xabar berishganda, Rossiya kompaniyasi buni “brendni himoyasi” bilan izohladi. Kompaniya mahalliy “McDonald's” franshizasi bilan kelishuvlar yo‘qligini ta’kidlab, mamlakatga kirishni rad etishda davom etmoqda.
“Food Solutions KZ” rahbari Asset Mashanov 10-yanvar kuni jurnalistlarga kompaniyaning asosiy vazifasi, ehtimol, brendsiz, kelajakda esa yangi mahalliy brend ostida ishlashni davom ettirish ekanligini bildirdi.
Shu bilan, yanvar oyi oxiriga borib “McDonald's” brendi ostida faoliyat yurituvchi restoranlar brendsiz qayta ochildi.
