“Google” yakka o‘zi va jamoada video yaratish uchun mo‘ljallangan yangi “Vids” vositasini taqdim etdi. Bu haqda “hi-tech.mail” nashri xabar berdi.
Qayd etilishicha, xizmatning o‘ziga xos xususiyati videokontent yaratishda yordam beruvchi ilg‘or sun’iy intellektdir.
Ishlab chiquvchilarning ta’kidlashicha, “Vids” yordamida foydalanuvchilar videolarni osongina tahrirlash imkoniyatiga ega bo‘ladilar — jarayon taqdimotlar yaratishdan qiyinroq bo‘lmaydi.
Xizmatning asosiy g‘oyasi — har bir bosqichda oddiy va tushunarli maslahatlar berib, foydalanuvchiga imkon qadar ko‘proq video yaratishga yordam berishdir.
Yangi xizmat boshqa “Google Workspace” ilovalari kabi “Docs"ni eslatadi, bu sizga boshqa odamlar bilan videolarni tahrirlash imkonini beradi.
Ta’kidlanishicha, bu vosita yangi videoblogerlar uchun ajoyib yangilik hisoblanadi.
Maslahatlarga qo‘shimcha ravishda, “Google Vids” birja fotosuratlari yoki fon audiosi kabi turli qo‘shimchalarni qo‘shishni osonlashtiradi.
Ovozidan xijolat bo‘lganlar uchun esa matnga asoslangan ovozlarni yaratish funksiyasi mavjud.
“Google Vids"dan hozircha faqat beta-sinovda cheklangan miqdordagi foydalanuvchilar foydalanishi mumkin.
Hozircha xizmat brauzerda ishlaydi, biroq keyinroq, ishlanma ommaga taqdim etilganda, u “Google Workspace” uchun “Gemini” obuna paketidagi smartfonlarda ham mavjud bo‘ladi.
Avvalroq “Spot” “Google” fotosuratlarni tahrirlash uchun bepul vositalarni taqdim qilgani haqida yozgandi.
Ular orqali fotosuratdan keraksiz narsalarni olib tashlash, aniqlikni oshirish va fotosuratdagi yorug‘lik manbasini o‘zgartirish mumkin.
