OpenAI kompaniyasining ChatGPT ilovasi butun dunyo bo‘ylab oyiga 1 mlrd faol foydalanuvchiga yetdi.
Reuters agentligi Sensor Tower ma’lumotlariga tayanib xabar berishicha, sun’iy intellekt xizmati bu darajaga chiqishi uchun taxminan uch yil kerak bo‘lgan.
ChatGPT mashhurligining o‘sishi generativ sun’iy intellekt bozoridagi raqobatning kuchayishi fonida sodir bo‘lmoqda.
Xususan, o‘z sun’iy intellekt yechimlari va mobil ilovalarini faol rivojlantirayotgan OpenAI va Anthropic foydalanuvchilar uchun raqobatlashmoqda.
Sensor Tower hisob-kitoblariga ko‘ra, ChatGPT 2026-yil may oyida oyiga bu ko‘rsatkichga erishdi. Shu bilan birga, uning o‘sish dinamikasi TikTok, Instagram va YouTube kabi bir qator yirik raqamli platformalardan oshib ketdi.
Tahlilchilarning ta’kidlashicha, Anthropic kompaniyasining Claude kabi raqobatchi ilovalarining paydo bo‘lishi allaqachon foydalanuvchilarning xatti-harakatlariga ta’sir ko‘rsatmoqda.
Xususan, auditoriyaning bir qismi muqobil xizmatlarni o‘rnatgandan so‘ng ChatGPTda kamroq vaqt o‘tkazishni boshladi, garchi sun’iy intellekt yordamchilari bozorining o‘zi tez o‘sishda davom etmoqda.
Claude ilovasi raqobat fonida foiz hisobida auditoriyaning yuqori o‘sish sur’atlarini ko‘rsatmoqda, biroq ChatGPT foydalanuvchilarning mutlaq soni bo‘yicha yetakchilikni saqlab qolmoqda va generativ sun’iy intellekt segmentida asosiy o‘yinchi bo‘lib qolmoqda.
EMarketer tahlilchilariga ko‘ra, 2026-yil may oyida Google’ning Gemini ilovasining global auditoriyasi 900 mln oylik faol foydalanuvchiga yetdi.
So‘nggi to‘rt oy ichida xizmat 20% ga o‘sdi, ChatGPT auditoriyasi esa taqqoslash davrida 12,5% ga oshdi.
Avvalroq Spot Malta aholisi bir yil davomida ChatGPT Plus’ni bepul oladigan ilk davlat bo‘lgani haqida yozgandi.
Undan bepul foydalanmoqchi bo‘lganlar onlayn tizimdan ro‘yxatdan o‘tishi va SI bo‘yicha bepul onlayn kursni tamomlashi kerak.
