Joriy yilning 12-iyunidan “Xalq Banki"ning oddiy aksiyalari “Toshkent” fond birjasi kotirovka ro‘yxatiga kiritildi, deb yozadi birja matbuot xizmati.
Unga ko‘ra, o‘tgan haftada birja boshqaruvi tegishli qaror qabul qilgan. Qimmatli qog‘ozlar UZ7055620007 kodini va XKBK aksiya tikerini (Xalq bankidan) oldi.
1-aprel holatiga ko‘ra, bankning ustav kapitali 7,34 trln so‘mni tashkil etadi. Birinchi chorakda bank 2,8 trln so‘m daromad oldi, foyda esa 61,4 mlrd so‘mni tashkil etdi.
Xalq banki prezident aksiyalarini “xalq IPO"si orqali sotish bo‘yicha ko‘rsatma bergan 40 ta davlat kompaniyalari ro‘yxatiga kiritilgan. Investorlarga 148,66 mln donagacha yoki bank ustav fondining 2%ini taklif qilish rejalashtirilgan.
Aksiyalar elektron auksion platforma orqali sotiladi. “Spot” ushbu mexanizm orqali qimmatli qog‘ozlarni sotish bilan bog‘liq tavakkalchilik va muammolar haqida ekspert xulosasini e’lon qilgandi.
Joriy yilning aprel oyida “Aloqabank” IPO o‘tkazishga tayyorgarlik ko‘rayotgani haqida xabar berildi. Yil oxirigaсha bank o‘zining 5% gacha aksiyalarini Toshkent fond birjasiga joylashtiriladi.
