Samsung kompaniyasi gorizontal yo‘nalishda suriladigan smartfon ustida ish boshladi. Bu haqda WearView xabar berdi.
Mutaxassislar tarmoqda smartfonlarning tegishli texnologiyasi uchun patent topishdi. Qurilma suriladigan ekran va displey bilan birga harakatlanadigan kamera moduliga ega.
Patentga ko‘ra, qurilmaning orqa panelida kesik mavjud. Bu teshikda smartfon buklangan holatda kamera joylashgan.
Bunday holatda qurilma oddiy modelga o‘xshab ko‘rinadi, biroq foydalanuvchi zarurat tug‘ilganda yarmini surib, kattalashtirilgan ekran o‘lchamiga ega bo‘lishi mumkin.
Hujjatlarda operatsion tizimni tegishli rejimga keltirish uchun ochiq holatni aniqlaydigan datchiklar ham eslatib o‘tilgan.
Qayd etilishicha, Samsung haqiqatan ham shunday smartfon ishlab chiqarishi hozircha noma’lum.
Patentdan tashqari rasmiy ma’lumot yo‘q, ammo kompaniya “yig‘ma"lar bilan bir qatorda noodatiy texnologiyalarni ham ishlab chiqishi mumkin.
Avvalroq Spot Samsung Galaxy S27 qatorini yangi Pro modeli bilan kengaytirishi haqida yozgandi.
U yangi avlod Snapdragon protsessori, shuningdek, bazaviy Galaxy S27 bilan solishtirganda yaxshilangan kamera tizimi bilan jihozlanadi.
