“Toshkent-Urganch-Toshkent” yo‘nalishida qo‘shimcha qatnovlar yo‘lga qo‘yiladi, deya xabar bermoqda “O‘ztemiryo‘lyo‘lovchi” matbuot xizmati.

Yangi yil bayrami munosabati bilan 2022-yilning 18−20−23−25−27−30-dekabr va 2023-yilning 3−6−8−10−13−15-yanvar kunlari mazkur yo‘nalishda qo‘shimcha 12 ta qatnovlar yo‘lga qo‘yiladi va quyidagi jadval asosida harakatlanadi:

156-sonli “Toshkent — Urganch” yo‘nalishi:

  • Toshkent 00:05 — Urganch 14:23.

155-sonli “Urganch — Toshkent” yo‘nalishi:

  • Urganch 17:35 — Toshkent 06:54.

Avvalroq “O‘zbekiston temir yo‘llari” talabalar uchun 50% chegirma e’lon qilgandi. Chegirmalar joriy yilning 22-dekabridan 2023-yilning 10-yanvarigacha amal qiladi.

Chiptalarni elektron tarzda havola orqali olish mumkin.

Shuningdek, “Uzbekistan Airways” kompaniyasi ham talabalar uchun 50% chegirma e’lon qilgandi.

Xususan, chegirma joriy yilning 22-dekabridan 2023-yilning 10-yanvarigacha amalga oshiriladigan mahalliy aviaqatnovlarga ekonom-klass uchun taqdim etiladi.